Radar Bojonegoro Award 2024, Penghargaan Kepemimpinan Inspiratif
Bojonegoro - Malem Setu, (02/08/2024), Pj Bupati Bojonegoro Adriyanto nampa penghargaan bergengsi ing kategori Inspirational Leadership utawa Kepemimpinan Inspiratif wektu srah-srahan Radar Bojonegoro Award 2024. Penyerahan penghargaan iki kelakon kanthi meriah ing Aston City Hotel Bojonegoro, ngrambah puncak perayaan Ambal Warsa kaping-25 Jawa Pos Radar Bojonegoro.
Radar Bojonegoro Award 2024: Apresiasi Kanggo Stakeholder Pembangunan Daerah
Radar Bojonegoro Award 2024 digelar kanggo wujud apresiasi marang para stakeholder sing paring kontribusi ing pembangunan daerah. Tema "Memperkuat Sinergi, Bersama Meraih Prestasi" nggambarake semangat kolaborasi antarane pemerintah lan maneka elemen masyarakat.
Sinergi Pemerintah lan Media ing Pembangunan Daerah
Keynote speaker, Menteri Sekretaris Negara Pratikno negesake peran signifikan media massa, utamane Radar Bojonegoro, kanggo memotivasi lan njurung pemerintah supaya nyambut gawe luwih tenanan. "Pemerintah iku kaya lokomotif, lan media kaya Radar Bojonegoro sing nyurung gerbong-gerbong ing mburine supaya mlaku bebarengan," ngendikanene Pratikno, putra asli Desa Dolokgede, Kecamatan Tambakrejo.
Ucapan Selamat lan Pangajab saka Pj Bupati Bojonegoro
Pj Bupati Bojonegoro Adriyanto, ing sambutane, ngaturake selamat atas Ambal Warsa kaping-25 Jawa Pos Radar Bojonegoro. "Radar Bojonegoro iki media pertama sing tak sowani nalika teka ing Bojonegoro. Media iki tansah ngaturake pawarta sing berimbang lan bisa dipercaya," kandhane Adriyanto. Dheweke uga ngarep-arep Radar Bojonegoro terus dadi mitra pemerintah ing sajeroning panyebaran informasi kang mendidik, motifatif, lan nginspirasi warga masyarakat.
Penghargaan saka Media Massa Radar Bojonegoro Award 2024
Direktur Jawa Pos Radar Bojonegoro, Bahtiar Febrianto, ing laporane ngaturake yen penghargaan iki minangka bageyan saka perayaan Ambal Warsa kaping-25 Jawa Pos Radar Bojonegoro. "Ana pitung kategori penghargaan lan siji kategori khusus. Acara iki duweni tujuan kanggo ngaturake apresiasi marang para stakeholder ing Bojonegoro, Lamongan, lan Blora sing wis paring kontribusi ing pembangun daerah," ujare Bahtiar.
Kategori Penghargaan ing Radar Bojonegoro Award 2024
Penghargaan iki duwe pitung kategori, yaiku:
- Pendidikan lan Lingkungan Hidup Inspiratif
- Pelayanan Publik Inspiratif
- Sosial Politik Inspiratif
- Ekonomi lan Enterpreneur Inspiratif
- Publik Figur Inspiratif
- Sinergitas Daerah Inspiratif
- Kepemimpinan Inspiratif
Radar Bojonegoro Award 2024 sanyata ora mung sewates ajang penghargaan, nanging uga dadi wadah kanggo ngenali lan ngaturake apresiasi kontribusi nyata saka maneka pihak ing pembangunan daerah.