Pilkada Blora 2024, Elektabilitas Arief Rohman Isih Jaya
Blora, Pemilihan Kepala Daerah Kabupaten Blora (Pilkada Blora) sangsaya cedhak karo dina pelaksanaane, lan asil survei paling anyar nuduhake yen petahana, Arief Rohman, isih dadi pilihan utama masyarakat Blora utawa elektabilitas'e isih jaya, "jênênge isih nggêndera". Iki diungkapno karo Hanggoro Doso Pamungkas, Direktur Citra Publik Indonesia (CPI) LSI Denny JA, ing konferensi pers sing digelar ing Omah Majapahit dina Rebo (7/8/2024).
Metode lan Hasil Survei
Survei sing dilakoni karo CPI-LSI Denny JA iki nggunakake metode multistage random sampling karo margin of error udakara 4,8 persen. Pengumpulan data ditindakake liwat wawancara tatap muka karo 440 responden sing dipilih kanthi acak saka 16 kecamatan ing Kabupaten Blora antarane 15 nganti tumekane 20 Juli 2024. Responden kaperang saka pemilih umur 17 taun munggah utawa sing wis rabi.
Miturut Hanggoro, yen Pilkada Blora diadani dina iki, Arief Rohman bakal antuk tingkat elektabilitas paling dhuwur yaiku 61,4 persen suara. Posisi nomer loro dilenggahi dening Abu Nafi kanthi 7,7 persen suara, ditutake karo Prayogo Nugroho lan Tri Yulisetyowati sing padha entuk 2,5 persen suara. Aan Rochayanto lan Siswanto ono ing posisi nomer papat antuk 1,8 persen suara, sawetara kandidat liyane duwe elektabilitas sangisore 1,1 persen, kanthi angka swing voter tumekane 16,8 persen.
Alasan Utama Milih Arief Rohman
Hanggoro nerangake, ono sawetara alasan pokok kenapa Arief Rohman unggul ing survei iki. Ana 21,1 persen responden milih Arief Rohman merga pengalamane nang pemerintahan. Sawetara, Abu Nafi, Prayogo Nugroho, lan Tri Yulisetyowati dipilih merga kepribadiane, siji mbaka sijine antuk persentase 32,4 persen, 36,3 persen, lan 27,2 persen.
Simulasi Telung Pasangan Calon
Survei CPI-LSI Denny JA uga nguji simulasi telung pasangan calon bupati lan wakil bupati. Asile, Arief Rohman-Sri Setyorini unggul karo 64,3 persen ngelawan Tri Yuli Setyowati-Abu Nafi sing mung entuk 7 persen. Prayogo Nugroho-Siswanto ono ing posisi kaping telu antuk 5,2 persen, dene angka swing voter tumekane 23,5 persen. Ing simulasi liyane, Arief Rohman-Sri Setyorini tetep unggul karo 63,9 persen ngelawan M. Dasum-Abu Nafi sing oleh 8,2 persen, lan Tri Yuli Setyowati-Siswanto karo 4,3 persen. Swing voter ning simulasi iki gedhene 23,6 persen.
Elektabilitas Adhedhasar Segmen
Arief Rohman nuduhake elektabilitas sing rata ing berbagai segmen. Adhedhasar gender, dhèwèké unggul nang kalangan pemilih kakung (63,2 persen) lan putri (59,5 persen). Saka umur, dhèwèké unggul ing kabeh kelompok umur, yaiku 19 taun mudhun (33,3 persen), 20-29 taun (71,9 persen), 30-39 taun (63,1 persen), 40-49 taun (55,8 persen), lan 50 taun munggah (63 persen).
Saka pendidikan, Arief Rohman dominasi nang kabeh level, yaiku pemilih lulusan SD utawa sing ra sekolah (57,8 persen), SLTP utawa sederajat (61,3 persen), SLTA utawa sederajat (67 persen), lan sing tau kuliah utawa nang ndhuwuré (77,3 persen). Saka pendapatan, dhèwèké ngungguli kandidat liyane nang kabeh kelompok, yaiku pemilih karo pendapatan sangisore 1 juta (60,1 persen), 1 juta-1,9 juta (63 persen), lan 2 juta utawa luwih (61,5 persen).
Popularitas lan Kepuasan Publik
Hanggoro ngandhakake yen Arief Rohman uga unggul nang kalangan pemilih sing nduweni afiliasi karo organisasi Islam. Nang NU, dhèwèké entuk 64,4 persen, Muhammadiyah 25 persen, lan Persatuan Islam 66,7 persen. Malah, nang kalangan sing ora berafiliasi karo ormas Islam apa wae, Arief entuk 27,3 persen suara.
Miturut Hanggoro, ana lima alasan utama kenapa Arief Rohman unggul dibandingkan karo kandidat liyane. Kaping pisanan, popularitasé sing tekan 85,2 persen, adoh sandhuwure Abu Nafi sing dikenal karo 58 persen pemilih, lan Tri Yulisetyowati sing dikenal karo 51,1 persen pemilih. Kaping pindho, Arief Rohman paling disenengi karo pemilih sing ngerti dhèwèké, karo persentase 88,6 persen, disusul Siswanto (86,3 persen) lan Muhammad Ahmad Faishol (85,4 persen).
Isih Arief Rohman
Mayoritas publik uga puas karo kinerjane Arief Rohman pas dadi bupati, 71,2 persen pemilih ngandhakake "sangat puas" utawa "puas", sawetara 23,4 persen "kurang puas" utawa "ora puas sama sekali". Kaping papat, mayoritas publik kepingin Arief Rohman bali dadi Bupati Blora, tekan angka persentase 74,8 persen. Kaping lima, publik ngira Pemerintah Kabupaten Blora "sangat berhasil" utawa "berhasil" ngatasi persoalan masyarakat ana 64,7 persen, luwih dhuwur saka sing ngira "kurang berhasil" utawa "ora berhasil sama sekali" yaiku akehe 30,3 persen.
"Kanthi data iki, angel kanggo pesaing Arief Rohman ngoyak - nggudak elektabilitasé Arief, kecuali yen ana perubahan signifikan ing dinamika politik mBlora," pungkas'e Hanggoro.