Baznas Blora Ningkataké Kualitas Urip Liwat Program RTLH

Blora,- Badan Amil Zakat Nasional (Baznas) Kabupaten Blora terus komitmen ningkataké kualitas urip masyarakat kurang mampu liwat sawernaning program sosial. Salah sawijining program unggulan sing dadi perhatian khusus yaiku pemugaran Omah Ora Layak Huni - Rumah Tidak Layak Huni (RTLH). Program iki diajab bisa menehi dampak signifikan, ningkataké kesejahteraan masyarakat kang mbutuh'ake.

Kunjungan Ketua Baznas Blora Ning Desa Pengkolrejo

Ing kunjungané ning Desa Pengkolrejo, Kecamatan Japah, Rebo (7/8/2024), Ketua Baznas Blora, Achmad Sutaat, langsung nyalurne bantuan ning salah sawijining penerima manfaat program RTLH. Bantuan kuwi awujud pemugaran omah kang fokuse ing renovasi bagean-bagean sing paling krusial kayata fasad, jobin, lan sanitasi. Sutaat negeské menawa tujuan utama program iki supaya omah dadi luwih layak lan nyaman dipanggoni.

Fleksibilitas Kriteria Penerima Bantuan

Ing pernyataan pers-é, Achmad Sutaat nerangké menawa kriteria penerima bantuan RTLH iki mung kanggo pekir miskin. "Sing bisa antuk bantuan mung omah'e pekir miskin kang dibuktek'ake karo SKTM (Surat Keterangan Tidak Mampu) saka Pemerintah Desa/Kelurahan lan ora manggoni lemah'e pemerintah utawa pekarangane liyan, kang mengkone diverifikasi liwat pembuktian kondisi riil ing lapangan. Nek ana warga sing omahé bener-bener ora layak huni, bakal tetep kita bantu," tegesé.

Anggaran lan Manfaat Bantuan RTLH

Sutaat uga ngandharaké menawa senajan anggaran sing kasedhiya terbatas, yaiku sekitar Rp15 juta saben omah, pihaké berusaha semaksimal mungkin kanggo maringi sing paling apik kanggo masyarakat. "Senajan anggarané terbatas, sekitar Rp15 juta saben omah, dhewe berusaha koordinasi karo stake holder supaya bisa maringi layanan sing paling apik kanggo masyarakat," imbuhé.

Testimoni Penerima Manfaat

Salah siji penerima manfaat sing manggon ning RT 02 RW 07 Desa Pengkolrejo, Kecamatan Japah, ngaku banget syukure merga wis diparingi bantuan. "Aku lan keluarga urip ra patiya nduwe. Kanthi bantuan iki, aku ngrasa bakal luwih ayem lan tentrem," ujaré karo nètèsna eluh ing mripate.

Tantangan lan Harapan Baznas Blora

Senajan program iki wus mlaku kanthi apik, Sutaat ngaku ana sawetara tantangan, utamane ing daerah-daerah sing angel kejangkau. "Rega material bangunan ning daerah pelosok cenderung luwih larang merga biaya transportasi, kadang perlu lansir barang. Nanging, awak dhewe bakal terus ngupaya komunikasi karo Pemerintahan Desa setempat kanggo nggoleki solusi sing paling apik," ujarné.

Ngajak Masyarakat Melu Partisipasi 

Sutaat ngajab, program RTLH iki bisa terus mlaku lan menehi manfaat kang luwih luas kanggo masyarakat. "Dhewe ngajak kabeh lapisan masyarakat kanggo melu partisipasi ing program iki. Kanthi gotong royong, awak dhewe bisa mujudké desa kang luwih maju lan sejahtera," pungkasé.